Никој не знае колку Македонки абортираат

Никој во земјава не знае колку таблети за контрацепција се користат ниту, пак, колку девојки и жени направиле абортус. Иако старосната граница кај младите што се одлучуваат на прв сексуален однос, секоја наредна година се симнува, од Министерството за здравство немаат никакви податоци за потрошувачката на антибеби пилули, а немаат ни до знаење колку абортуси се направени во последниве години. Последен податок им е дека во 1990 година 6.000 жени дошле да ја прекинат несаканата бременост на Клиниката за гинекологија.

"Речиси сите клиентки што доаѓаат за абортус кај нас, посебно помладите, не знаат дека имаат таблетарна терапија која спречува бременост. Тоа е алармантен податок, кој укажува дека мора да се поработи на информираност, оти последиците можат и сигурно ќе бидат катастрофални", истакна д-р Горан Димитров од Гинекологија.
Светските податоци покажуваат, објасни д-р Димитров, дека кај секоја петта жена во светот која забременува, кај најмалку една од нив се работи за непланирана бременост, што во најголем број од случаите завршува со абортус.
"Многу млади жени имаат незаштитен секс во текот на првиот сексуален однос. Едно од десет раѓања е кај мајки кои и самите се уште се деца", вели д-р Димитров, кој додаде дека во Македонија 80 отсто од младите не консултираат гинеколог при првиот сексуален однос.
Студиите спроведени од Министерството за здравство, како што рече претставникот д-р Едис Рамо, укажуваат оти неинформираноста за сексуалното и репродуктивното здравје е главна причина за зголемен ризик од несакана бременост и сексуално преносливи болести. И покрај ваквиот заклучок, таа немаше податоци кога е непарвен последната студија, какви мерки се преземени по училиштата, колку се користат таблетите за контрацепција ниту, пак, колку абортуси годишно се прават во земјава, со оправдување дека извештајот се уште се подготвува.
Гинеколозите предупредуваат дека бројот на абортуси се уште се доближува до бројот на раѓањата, а голем број од абортусите, според неофицијални извори, се вршат нелегално по приватни гинеколошки ординации.


извор: www.abortusNE.org.mk

(повторно текстот во постот не е мој, туку е копиран токму поради информациите и податоците во него... пријатно читање)

Абортусот V.S. Наталитетот на Македонецот ...

Абортусот ке испадне виновен за намалување на наталитетот на Македонецот ... Деновиве се излегува со податоци - дека бројот на новородени деца во Скопје и Македонија е близок до бројот на абортусите ...Во 2005 година во земјава официјално се регистрирани 6.436 абортуси, а многу поголема е бројката на дивите абортуси. Тоа значи дека на секои 100 породувања имало по 28 абортуси. Бројката на абортусите што се прават диво е многу поголема.
Поради тоа не зачудуваат ни сознанијата дека бројот на раѓањата во земјата се доближува до бројот на абортусите. Во Скопје овие два параметра -раѓањата и абортусите - се речиси изедначени, потенцира д-р Мирослав Темелковски, претседател на приватните гинеколози, кој, сепак, немаше податок колку од абортусите се прават на црно во приватните ординации.Имам само две примедби ... Сметам дека тука човекот непотребно се замешува во природните процеси ... Од друга страна незнам зошто е дозволен легален абортус без да се добие подпис од таткото на детето ... Ако стварањето на човечкиот живот е спој помеѓу маж и жена - зошто само на жените им е дадено право да одлучуваат за животот на нешто што е спој на љубовта на мажот и жената ... Интерсно би било да се дознае распоредот на националната структура на аботусите ... Се чини дека Македонките повеќе се одлучуваат за абортус ... а ова директно го загрозува наталитетот на Македонецот ...


податоците за постот се превземени од :
www.abortusNE.org.mk


(многу ми се допаднаа информациите па баш затоа го копирав текстот)

АБОРТУСОТ ДЕЛ ОД ОПШТЕСТВЕНИТЕ СЛУЧУВАЊА!

Секојдневно слушам и се вчудоноевидувам од „доблеста“ на моите врсници и размислувањата на оние постарите. Егоистични се нивните идеали за иднината. Болни се нивните размислувања и стравови за „обврските“ наречени брак и семејство. Еве гледаме до каде не донесе онаа желба и мечтаење за западниот начин на живот. Што произлезе од тие западни вредности по кои што толку многу тежнеевме последниве 20 години?
Приоритет им се дава на индивидуата како основна единка на општеството, подкревајки ги егоистичните желби на незавизен дух и задоволства. Во секоја можна форма, алчност кон материјални средства и удобности, прејадување, па и сексуалните навики се тотално променети, и сакаме се повеќе и повеќе. И кој страда? Па самата таа индивидуа што нон - стоп е во трк со парите и со самата себе си.
Статистиките говoрат за тоа, жителите на Англија и Америка се меѓу најдебелите нации во светот. За поимот Семејство да не зборувам воопшто, тоа повеќе не е ИН.

Медиумите претставуваат трговци преку кои ни се продава примамливиот сјај на западниот начин на живот, лажниот свет на совршенство. И таа бајка те тера да посегнеш по тоа, мислиш дека сè што лета се јаде. Зачини со малце порнографија и сè можеш да продадеш. Појава на Анимализам, луѓето се гледаат само како тела за задоволување на сексуалните потреби и ништо повеќе од тоа, внатрешното и духовното е сосема небитно. Младината почнува да отупавува во вистинска смисла на зборот. Битноста ја препуштаат само на физикусот, изгледот, облеката и шминката. Никако да потрошат време да прочитаа некоја книга, него нормално времето го трошат на лице-книгата светскиот познат тренд FACEBOOK. Подобро е да се преспие денот, одколку да се качиш на Водно, поршеташ во паркот и подишеш свеж воздух. Живеј ја ноќта, вдишувај го „свежиот воздух“ во дупките т.н. дискотеки и нормално ќе имаш здраво тело и здрав дух. Ова е мотото на 90% од младинита. Нели е засташувачки?! Младината е онаа во која се крситме. Векот на живеење статистиките ќе покажуваат дека последниве 20 години се намалил од 70-80 години старост на 50-60 години живот.
Ќе слушнеш како некој тинејџерка размислува дека не треба да се мачи да оди да учи школо, кога ете со силикони многу врати се отвараат.
-16 годишна ќерка и кажува на мајка и -„Мамо или вие ќе платите или ќе најдам некој друг што ќе плати за да си ги поправам градиве, ова повеќе не се трпи“.

Абортусот е секако една многу сериозна тема околу која се кршат копјата. Проблемот е далеку пред тоа, абортусот е само последицата од тој проблем. Последица што психички ќе ја скрши индивидуата соочена со тоа. Последица што ќе ја прогонува цел живот. И зошто? Заради пет минутно непромислено „задоволство“. Се организираат кампањи демек ете мораме да имаме право на избор, „Па тоа (абортусот) е сосема нешто нормално“ велат, „нема никакви медицински последици“. Се со цел за да се „олесни“ делото, и да се „испере“ совеста кај некои што или не размислиле на време, или се плашат да превземат обврска спрема тоа кутро човечко суштество.

Абортус

   Иако нашата тема гласи „Сексот и Младите“, јас како член на овој блог сакам да ве информирам за абортусот, кој се јавува како најчест проблем кај младите девојки при недоволна едуцираност за заштита при сексот.
   Во денешно време многу од девојките при самиот секс едноставно забораваат на својата заштита и се препуштаат на задоволството не размислувајќи за последиците. А последиците можат да бидат катастрофални, од најразлични полово преносливи болести до несакана бременост, поради која младите девојките или поради неподготвеност, незрелост или поради немање финансиска и морална поддршка, се решаваат да ја прекинат бременоста, односно да абортираат.
   


Абортусот може да биде намерен или спонтан. Спонтаниот абортус има тек сличен на породувањето и ретко има компликации. Меѓутоа, абортусот честопати е намерен со цел да се прекине бременоста- артефициалис. Бременоста може да се прекине до третиот гестациски месец или до четвртиот лунарен месец, односно до десет навршени недели од бременоста. После овој период да се прекине бременоста е доста ризичен потег, но доколку има индикации за тоа, прекинот мора да се изврши и покрај тоа што се можни последици. Комликациите кои му следат на абортусот, можат да бидат рани и доцни. Како рани компликации се јавуваат- најразлични видови инфекции, долготрајно крварење, заостанато ткиво, постабортален синдром- крв во матката. Како најлоша последица од извршениот абортус е смртта, како и неможноста за бременост во иднина.



Како да се заштитиме од несакана бременост?!?

   Како што претходно споменав, причините поради кои доаѓа до несакана бременост како и заболување од полово преносливи болести, се сведуваат на ништо повеќе туку од незаштитени сексуални односи. Развојот на технологијата, денес во 21 век, е на највисоко ниво и ни дава можност постојано да се информираме за прашања поврзани со сексот и жалосно е кога слушаме со какви проблеми се соочуваат младите, бидејќи биле недоволно едуцирани за последиците што следуваат по него. За тоа, како да се заштитиме од несакана бременост, постојат многу превентивни средства, за кои можеме насекаде да се информираме и треба ги знае секој човек.



Како контрацепциски средства за заштита од бременост можат да се користат:
 
* Презервативи (кондоми)
* Спирали
* Таблети
*  Дијафрагма
* Хемиски средства за претпазливост итн.

Абортус- да или не?!

   Денес право на барање за прекин на бременоста има секоја бремена, полнолетна жена. Барањето се подава во гинеколошко- акушерско одделение и клиники со доказ дека бременоста нема повеќе од десет недели и прекинот на бременоста нема да го загрози здравјето на жената.
   Според Законот за прекин на бременост, абортусот го извршува лекар, специјалист, во здравствена установа која располага со соодветна медицинска опрема. Ако е почеток спонтан абортус, а е загрозен животот на плодот или на бремената жена или нејзината репродуктивна способност, прекинот на бременоста може да се изврши во здравствена установа која не ги исполнува горе споменатите услови од страна на лекарот кој не е специјалист.



Одлуката дали да се роди или да се абортира е тешка да се донесе и едната и другата одлука самата по себе си носи последици, затоа добро треба да се размисли што е најдобро за вас и за луѓето кои се важни во животот.

Лолита комплекс

   Постои уште нешто на кое што во Јапонија се гледа како на речиси нормална појава, а всушност станува збор за педофилија. Лолита комплексот или Лоликон представува привлечност кон малолетни девојчиња. Терминот води потекло од книгата „Лолита“ на   Владимир Небоков, каде што возрасен маж станува сексуално опседнат со 12-годишно девојче.
   Мажите во Јапонија се најчесто опседнати со девојчиња облечени во училишни униформи. Оваа појава станува толку распространета што се повеќе млади девојки се решаваат на таков чекор за пари или за скапа дизајнерска облека. Тоа секако представува проституција, но како што веќе споменав во мојот претходен пост, проституцијата во Јапонија представува речиси нормална и секојдневна појава.
   Сепак, се чини дека ова веќе ги преминува границите, причина за донесување на нови строги закони кои би го регулирале и спречиле ширењето на малолетната проституција.

Сексуалниот живот во Јапонија денес

Сега само ќе се надоврзам на мојот претходен пост. Додека ги разгледував видеата за модерниот сексуален живот во Јапонија наидов на две документарни видеа кои сметам дека се интересни и кажуваат многу за тамошниот и за нас „необичниот“ начин на живеење.
   Она што кај нас би се сметало за порнографија, за нив тоа претставува секојдневие. Речиси и да не постои цензура. Голото тело и сексот представуваат симбол за нешто убаво во кое треба отворено да се ужива.
   Јапонците ги гледаат сексот и љубовта како две различни и неповрзани работи, тоа е дел од нивната вековна традиција. Животот на мажите особено се разликува од животот на жените. Тие гледаат еднакво како на својата сопруга, така и на професијата. Вечерта најчесто ја поминуваат со своите машки пријатели во барови или секс клубови. Но, денес, освен за мажи, постојат секс клубови и за жени. Појавата на машка проституција е многу распространета и нормална.
   Прифатливо за нас или не, тоа е јапонската реалност. Можам само да ви предложам да ги погледнете овие две видеа.

Историја на сексот: Хомосексуалноста во Јапонија

   Моите колешки ми предложија да најдам нешто повеќе за хомосексуалноста во Стара Јапонија. Најдов документарно видео на youtube кое сметам дека дава доволно добро објаснување. Содржи стари оригинални цртежи и слики.
   На кратко, станува збор за хомосексуалноста која кај нив не представува проблем како кај западните држави. Филозофиите на Таоизмот и Будизмот се причина што овие луѓе имаат поинаков став и поинакви гледишта кога станува збор за здрав сексуален живот.

The History of Sex: Homosexuality in Japan

10 Заповеди на Ерос - Богот на љубовта и сексот

Ерос е еден од најстарите богови. Излегол од првобитниот хаос со љубовта за да го донесе светот во ред. Еве како звучат неговите љубовни заповеди:

Апсолутна апстиненција не е добра за човековото здравје
Апстиненцијата по извесно време може да предизвика тешкотии, фрустрации, депресија, болести, склоност кон насилство и ред други деструктивни работи. Ако сакате секс тогаш немојте да се одрекувате. Сексот е драгоцен дар на природата. Било каква љубов е подобра од целосен недостаток на љубов.

Блискоста е правиот збор за сексот
Нашиот народ е преполн со погрешни верувања за тоа што сексот може да значи. Водењето љубов е начин да се искаже блискоста и сексуалните склоности спрема саканата личност. Значи, сексот ја зголемува блискоста помеѓу партнерите, а не начинот на кој телата се допираат. Потребно е вниманието да го насочите правилното разменување на енергијата.

Потребно е да се прифати мислата дека живееме во време на СИДА
Мораме да престанеме да се жалиме како сексот не е повеќе она што беше некогаш. И не треба да нè мрзи да ја употребиме заштитата која ни ја овозможуваат кондомите. Треба да ги прифатиме кондомите како секојдневно средство за опстанок. Штом ова ќе го прифатиме ќе имаме сигурен секс.

Нека енергијата на сексот слободно тече; водете љубов со небото и земјата
Нашите небо и земја се многу загадени и тоа влијае на нас како живи суштества. Потребно е да ги сакаме, да престанеме да ги загадуваме и тие ќе водат љубов со нас, со нашето здравје. Да им ја пратиме нашата сексуална енергија.

Потребно е да најдеме што повеќе време да уживаме во сексот
Ако го сакате сексот, тогаш пружете им на другите љубов и сексуално уживање. Фрлете го телевизорот, и онака нема ништо на програмите!

Решете се од чувството на вина и верувањето дека не заслужувате уживање во животот
Преубави сте и заслужувате повеќе отколку што имате. Уживањето е вашето право како човечко суштество.

Не судете си на себе, а ни на другите
Судењето исполнето со предрасуди предизвикува војна и уништува сè што е убаво. Сите ние сме на право место во право време. Нашиот љубовен живот, како дел од целокупниот живот, поминува низ различни степени. Учиме од нашите искуства, па и од грешките. Пуштете им на другите луѓе да одат по својот пат.

Научете да уживате во животот со дишење
Сексуалната и органската енергија патуваат со дишењето. Техниките на дишењето можат да го направат водењето љубов многу силно и полно со задоволства. Дишењето во ритам е најдобриот изум пред вибраторот.

Имајте на ум дека својата сексуалност можете да ја изразите креативно или деструктивно
Многу луѓе почнуваат да се одрекуваат од сексот затоа што сфаќаат дека нивниот однос спрема сексот е многу деструктивен. Меѓутоа, постои избор, баш како при тоа што да јадеш, а што не. Постои брз секс, здрав секс, гурмански секс... Пробајте да одберете она што на вас ќе ви оди во прилог.

Грижете се за своето тело
Јадете добро, вежбајте, негувајте го своето тело со долги бањања, масажи и преубави козметички магии.



Извор:www.romanticni.com.mk

Спремни ли сте за секс?

Сексот е ваша лична одлука, без разлика дали е првиот секс во врската или оној без обврски, секс за една ноќ. Еве неколку совети кои ќе ви помогнат да донесете исправна одлука.Како да бидете сигурни дали е време за секс и дали сте воопшто спремни за тој потег? Без разлика дали сте невини, романтичар или порноѕвезда, најважно е да сте сигурни во своите одлуки и да сте задоволни со ситуацијата во која се наоѓате. Сите знаеме дека не постои едно правило кое важи за сите, но кога се во прашање сексот и врските постојат многу начини кои можат да ви помогнат да бидете сигурни и да имате повеќе самодоверба во донесувањето на одлуките.

1. Сексот е избор, а не обврска. Со кој и да сте во врска или пак само флертувате, тоа подразбира дека до некоја мерка сте усогласени кога се во прашање сексуалните активности. Тоа би требало да биде нешто на кое двајцата сте се согласиле, а не нешто што го правите затоа што мислите дека тоа треба да го направите.

2. Морате да бидете свесни за последиците и разликите кои ги носи еден сексуален однос: бременост и полово преносливи болести. Од пресудна важност е да се погрижите за заштита од несакана бременост и полови инфекции пред да започнете со сексуалните односи. Едуцирајте се и користете некоја од разните методи за контрацепција која ќе ја спречи несаканата бременост. И имајте на ум дека презервативот е единствено средство кое може да ве заштити од несакана бременост и полово преносливи болести (никогаш 100%).

3. Да имате презерватив при рака е сосема ОК. Без разлика дали сте од оние „нема секс до брак“ или сте промискуитетна особа (особа со слободно полово размислување) или пак невини, мудро е секогаш да бидете спремни и тоа не значи дека секогаш очекувате да имате секс ако носите презерватив со себе. Да бидете спремн и на ваков начин покажува дека се почитувате себе си и дека сте одговорна личност.

4. Важно е да бидет спремни отворено да разговарате за сексот и тоа не само со своите другари и другарки, туку и со личноста со која имате во план да го направите тој чин. Поголемата блискост со партнерот носи подобра можност за отворени и искрени разговори.

5. Исто така е важно да бидете спремни да разговарате и за вашите чувства. Емоциите и довербата се важни без разлика дали сте во долга врска или не. И затоа морате да бидете на чисто со своите чувства и очекувања кога се во прашање сексуалните „преговори“. Тоа на вас не ви гарантира незаборавен секс, но барем се минимализира шансата да бидете емоционално изневерени.

6. Нема смисла да се преправате како сте упатени во сè и како сè знаете. Ако се впуштате во сексот по прв пат, сосема е природно да имате прашања. Ако е збор за прашањата на кои двајцата барате одговори, најдобро би било да го одложите чинот за некое време, т.е. додека не дојдете до одговорите и не бидете сосема спремни.

Извор:www.romanticni.com.mk

Сексуални ориентации кај човекот

  Иако сметам дека овој пост требаше да биде објавен малку порано (но колешките ме претркаа:)), сега само ќе се надоврзам на постот на Др. Монро за Човечката сексуалност.
Кога станува збор за сексуалноста кај човекот, важно е да се напомене дека освен хетеросексуалност постојат и други видови на сексуална ориентација, без разлика на тоа дали тој факт е или не е прифатен од страна на различни нации, религии или поединци.



  Кратенката ЛГБТК (LGBTQ) означува: lesbian, gay, bisexual, transgender/transsexual/two-spirited и queer/questioning луѓе, т.е. се однесува на сите оние кои што не се се сметаат себеси за хетеросексуалци . Стапува во употреба во 90-тите, заменувајќи го терминот геј комјунити(gay community), за кој што повеќето сметаа дека не ги покрива останатите сексуални ориентации.
Дали ќе ги прифатиме или пак ќе градиме игнорантен став во врска со овој проблем, зависи од нас .
   
Видови сексуални ориентации

• Моносексуалност е термин кој означува сексуална привлечност кон еден и само еден пол или род. Тука, покрај хетеросексуалноста спаѓа и хомосексуалноста, која пак означува привлечност на една личност кон друга личност од истиот пол. Овде се вбројуваат лезбејките и геј мажите. Друг случај е бисексуалноста. 
• Бисексуална ориентација имаат оние луѓе кои чувствуваат привлечност кон двата пола, машки и женски. Сепак тоа не мора да значи дека една бисексуална личност треба еднакво да ја привлекуваат и двата пола. Без разлика дали се чувствува поголема наклонетост кон еден одреден пол, таа личност се уште може себеси да се нарекува бисексуалец.
• Queer (квир)/questioning значи: чудно, необично, нешто што „не е баш како што треба“. Тука спаѓаат оние луѓе кои немаат еден одреден став, луѓе кои си дозволуваат и не-хетеросексуални интеракции (социјално неприфатливо однесување), иако не се класифицираат себеси како хомосексуалци или пак бисексуалци. 
• Асексуалност е состојба кога една личност не чувствува никаква сексуална привлечност кон ниеден пол. Но постои разлика помеѓу асексуалност и целибат. 
• Целибат претставува отсуство на сексуална активност, која кај асексуалците сепак постои.
• Омнисексуалност или пансексуалност е случај каде што на една личност не и е важен полот, туку само естетската привлечност, романтична љубов или секусална страст. Овие луѓе важат за слепи за пол, не веруваат во полови и родови разлики. Терминот пансексуалност води потекло од грчкиот збор пан што значи „се’ “. Тоа значи дека пансексуалците/омнисексуалците чувствуваат сексуална привлечност кон сите полови(за кои што тие се свесни), и не е исто што и бисексуалноста која што се ограничува само на два(би). 
• Трансексуалност означува случај каде што една личност чувствува незадоволство од телото во кое е родена, односно маж, биолошки роден во машко тело кој се чувствува како жена, и обратно. Додека пак терминот Трансвестизам означува состојба кога една личност, незадоволна од својот пол, се облекува исто како да е припадник на спротивниот, затоа што чувствува дека така би требало да биде. 
• Интерсексуалност предтсавува случај каде што еден човек се раѓа со два полови органи од кои само еден функционира. Интерсексуалците се исто така познати и како хермафродити. Овие случаи се решаваат со хируршка интервенција.



Малку историја...

  Свесни сме дека овој проблем се уште не е надминат и не е прифатен, а на сите оние кои не се хетеросексуалци се гледа како на луѓе од третиот пол. Без разлика на тоа дали се што не е хетеро не е или е нормално, природно или пак за сето тоа виновен е некој социјален фактор, факт е дека ова не е случај на денешницата и модерното време, туку се среќава и во минатото. Примери за тоа се Старите Грци и Старите Јапонци. На пример, случаи на сексуален однос помеѓу возрасен маж и малолетно момче во тоа време во Грција било нормално и многу често. Во Јапонија пак, позната е т.н. Самурајска Љубов која најчесто се раѓала помеѓу учителите и учениците за самураи. За тоа се пишувани и книги (пример: Love of the samurai – Nanshoku), а постојат и многу уметнички слики кои покажуваат сцени од хомосексуалниот живот на самураите. Хомосексуалноста во Јапонија била сметана за нешто нормално се до 19-тиот век кога станува нелегална.


Ми „запна“ за око


  Пред извесно време пребарував некои видеа на youtube и сосема случајно налетав на еден канал 5awesometrannys . Ме заинтересира и сакав да видам за што станува збор. Искрено, не очекував дека овие луѓе кои го креирале овој канал се толку популарни. Всушност, станува збор за еден проект на петорица травестити, на возраст од околу 20-21 година, кои што никогаш меѓусебе не се сретнале во живо. Како се запознале, не ми е познато, но знам дека сите живеат во различни земји. Меѓу себе се нарекуваат Ladies Of The Week и секој од нив посебно има задача да снима по едно видео на денот од неделата за кој тој е одговорен. Лејди Понеделник снима и објавува видео во понеделник, Лејди Вторник во вторник и така натаму. Ми се допаднаа затоа што се млади, интересни, забавни, сосема различни меѓу себе, но сепак тоа што ги поврзува, нивната сексуална ориентација, не е мала работа. Зборуваат за своите сфаќања, размислувања, гледишта, за своите животни искуства и планови, за своите проблеми, што лично сметам дека е од огромно значење и помош за други луѓе кои се наоѓаат во слична ситуација како нив. 
  Мој предлог е да се погледне барем едно видео од било кој од нив. Jас, лично, благодарение на нив научив многу повеќе за животот на младите со ваков проблем. Но...не им замерувајте на понекогаш употребуваниот „пристоен“ вокабулар :).

Сексуално пренослива болест или инфекција (Sexually transmitted disease)

• 
  
  
  Ќе се надоврзам на еден дел од постот на колешката Др. Мартичка, каде таа вели дека една од последицците од водење љубов без користење на заштита е и СПИ - Сексуално пренослива инфекција. Па накратко би ви кажала што всушност претставува ова СПИ.
  Тоа се болести кои примарно се пренесуваат преку сексуален контакт. Сексуално преносливата болест обично го напаѓа репродуктивниот и уриналниот систем, но може да се прошири и во устата и ректумот преку орален и анален секс. Во подоцнешните фази може да бидат нападнати и други органи или системи. Сексуално преносливите болести се заразни болести кои се пренесуваат од заразена на здрава личност и тоа најчесто преку: сексуален однос (вагинален, орален или анален), заедничко користење на игли и шприцови кај лицата кои земаат дрога и од заразена трудница на детето во текот на трудноста и пораѓајот.
  
  Зошто младите се подложни на зарази и преноси на сексуално преносливи инфекции?

Ризикот за заболување од сексуално преносливите инфекции е најголем кај оние малди лица кои рано стапуваат во сексуални односи и кои се склони кон често менување на партнерите. Заправо таа популација не е склона на користење кондоми, кои се најсигурно заштитно средство и против сексуално преносливите инфекции и против несакана бременост. Освен тоа, препознвањето на ризикот во младата популација е изразито ниско, а верувањето “нив ништо лошо не може да им се случи” е изразито високо. Младите кои користат било какви психоактивни дроги (вклучувајки го и алкохолот) повеке се склони, под дејство на дрогата, кон непланирани сексуални односи со непознати партнери, при што воглавно не користат никаква заштита.


Знаците на сексуално преносливите инфекции (како да препознаеме некоја инфекција)?

Сите наведени сексуално преносливи болести не предизвикуваат лесно воочливи и карактеристчни потешкотии, а кај инфекцијата кламидија предзнаците може да бидат и изоставени. Симптомите се уште помалку воочливи кај машките. Така се случува да заразената личност, не знаејќи дека е заразена и не барајќи лекарска помош, ја пренесуваат инфекцијата на сите нивни сексуални партнери. Иако менувањето на сексуалните партнери е еден од најголемите ризици за сексуално преносливите инфекции, заправо “невидливата” присутност на микроорганизмите во младата популација, може да доведе до зараза и на оние девојки или момци кои не се склони кон често менување на сексуалните партнери. Веке првиот или вториот партнер може да префати и пренесе кламидија или хуман папилома вирусот, што може да доведе до долготрајни потешкотии, а и до трајни последици. Ако девојката/дечкото осеќа болка, чешање или има други промени на кожата во деловите кај гениталиите, појачан или променет секрет од вагината или пенисот, тешкотии при мокрењето, болки или крварење при сексуални односи, треба задолжително да се обрати кај лекар за побрзо откривање на заразата или инфекцијата и нејзино навремено лечење.


Најчести сексуално преносливи инфекции :

Сексуално преносливите болести во последните десетина години покажале големи промени во примероците, симптомите, тежината и прогнозата, од „класичните” сексуално преносливи болести како сифилис и гонореа кои се се помалку застапени, а се повеќе се појавуваат болести предизвикани од не толку одавна откриени примероци (кламидија, уреаплазма, хуман папилома вирусот и др.).
Денес од сексуално преносливите болести најраспространети се оние кои се во вид на вируси, и тоа: ХИВ вирусот, гениталниот херпес, хуман папилома вирусот и хепатитис Б и Ц. Најраспространета бактериска сексуално пренослива инфекција е кламидијата (Chlamydia trachomatis).
Габичните инфекции, како кандидата, создаваат дебели, бели исфрлања на вагината и иритација и чешање на гениталиите кај жените , а понекогаш и иритација на пенисот кај мажите.
Пубичните вошки (човечка вошка) , исто така, можат да се сметаат за сексуално пренослива болест.



Последици

Влијанието на сексуално преносливите болести се третира со антибиотици, методи за контола на раѓањето и промени во сексуалното однесување.Ако навремено и рано не се препознаат и не се лечат, сексуално преносливите инфекции може да доведат до стерилитет кај мажите или жените, вонматерична бременост и спонтани абортуси. Против вирусните сексуално преносливи болести нема лекови, освен за хепатитис Б.


Спречување на преносот и ширењето на сексуално преносливите инфекции




Потполна сигурност нуди единствено воздржувањето од сексуални односи со непознати личности и (или) взаемно верен однос помеќу две незаразени личности ( ако имате сексуални однсои со здрав партнер кој има сексуални односи само со вас). Ако постои сомнеж за можна зараза во претходната сексуална врска или врски, потребно е да се обратите кај лекар заради што порано откривање на заразата и нејзино лечење. Сигурна заштита против сексуално преносливи инфекции, а и против несакана бременост, нуди само редовна употреба на кондоми. Сигурноста на заштитата со кондоми зависи и од неговата правилна употреба. Најсигурна заштита нудат кондомите од латекс кои се премачкани со спермицидно контрацептивно средство.

Сексуално малтретирање (Sexual harassement)

Сексуалното малтретирање во превод значи, безобразно, вербално или физичко однесување од сексуална природа. Под сексуално малтретирање може да спаѓа секое сексуално мотивирано однесување кое реципиентот (примачот) го смета за непревидливо. За случаите на работното место постои правна заштита, иако е многу тешко да се добие осуда. Во 1994 гиодина, Врховниот суд на САД пресуди одредено однесување неможе да се смета за сексуално малтретирање и нарушување на граѓанските права на индивидуата ако создава непријатна работна средина во која се злоупотребува некое лице.
Сексуално малтретирани лица, не се само возрасните и вработените. Денес најчест случај за сексуално малтретирана особа се децата. Милиони деца во светот се жртви на сексуално малтретирање или служат како сексуални робови кои се шверцуваат или продаваат.
Како cyber манијак, многу често доаѓам до некое видео или слика од која се запрепасувам, на неа гледам како исфрустрирани мажи се иживуваат со деца... И се прашувам како можат да уживаат и да наоѓаат задоволство во сето тоа?! Истите тие имаат синови и ќерќи, колку тие деца со кои сексуално се задоволуваат. Но зашто се чудам кога се почесто и кај нас слушам вести од типот дека татко, си ги силувал малолетните ќерќи, тримесечна тортура! Уф, што би му направила на тој човек, не би го ни судела, веднаш би го лишила од живот. Крокодилот ги носи во својата уста малите крокодилчиња и не ги ни повредува, пажливо и полека ги префрла на другата страна од реката. Како е сето тоа можно кога тој е само животно?! Тие се животни, неможат да размислуваат, или на нас луѓето ни одговара тие суштества да ни бидат синоним за нешто неразумно, диво и лошо?! Тој повеќе ги сакал своите ќерќи од ова животно, или пак тоа е начин на кој тој ја изразувал љубовта и грижата кон нив?! Ха, само иронично ќе се насмеам! И што правиме ние за да смениме овој факт?! Каков ќе биде понатака животот на овие девојчиња?! Дали воопшто ќе сакаат да живеат?!
Децата жртви на педофили се оставени сами да се справуваат со тешките трауми и психички нарушувања од сексуалното малтретирање, кажуваат експертите. Тие ценат дека центрите за социјална работа реагираат несоодветно или површно.

Одлука да се почне со секс...

Кога врската ќе дојде до стадиум на секс, тоа може да биде многу посебно чувство.За многу луѓе тоа претставува нормален чекор во една сериозна врска.Некогаш се случува кога долго време сме во врска со некоја личност, луѓето да очекуваат дека имаме секс....Не постои правило кое вели дека мора да се има секс во врска и дека е тоа нормален следен чекор во сериозна врска.
За почнување со сексуалниот живот мора да се зборува отворено, затоа што тоа помага да се надминат многу предрасуди за кои некогаш не постои свесност дека ги има. Дури и оние момчиња и девојки кои многу зборуваат за секс може да се чувствуваат непријатно кога на оваа тема говорат за себеси.
Сексуалниот однос се нарекува и водење љубов.Пред да се почне со сексуален однос мора да се земат во предвид повеќе работи меѓу кои и можните последици.Последица од сексуален однос без заштита може да биде бременост или ризик од пренесување на некоја Сексуално пренослива инфекција(СПИ) од едниот на другиот партнер.
Често младите се соочуваат со голем притисок од средината кога се работи за стапување во прв сексуален однос.Многу од младите сметаат дека скоро сите околу нив веќе имаат секс, а тие се единствените кои го немаат тоа искуство.Многу често таа проценка е погрешна бидејќи многумина само велат дека имале секс, а всушност го немале никогаш.
Донесувањето одлука да се почне со секс не е лесна.Кога лицето не е подготвено да размислува за сигурен секс, контрацепција и последиците од секс без заштита, можеби треба да размислува околу одложување на сексот. Повеќето луѓе кои влегле во сексуални односи, а не биле сигурни за тоа подоцна се каеле.

Сексуални чувства

Повеќето млади луѓе влегуваат во пубертет меѓу дванаесеттата и шеснаесеттата година од животот. Пубертетот носи со себе физички и емотивни промени, а една од овие промени е и интензивирањето на сексуалните чувства.Имањето сексуални чувства е нормално и природно, иако тие знаат да бидат збунувачки и тешки за контролирање и може да наведат на прерано почнување со сексуалниот живот.Сексуалните чувства претставуваат важен дел за подоцнежното градење здрави, емотивни врски со партнерот.
За многу млади луѓе претставува тешкотија одредувањето на вистинската возраст за почеток со сексуалниот живот.Важно е да се запомни дека нема точно одредено време кога тоа треба да се направи.Некои млади луѓе почнуваат со секс заради популарност, љубопитност и слично, иако за вакво нешто најважна е телесната и емотивна подготвеност.

Човечка сексуалност (Human sexuality)

Човечката сексуалност претставува тенденцијата и однесувањето на луѓето во смисла на активност, која предизвикува или на некој друг начин се поврзува со сексуалната возбуда. Под силно влијание е на генетски населените шеми за сексуален одговор, кои го обезбедуваат размножувањето, на општествените ставови кон сексот и воспитанието на индивидуата.
Психологијата поставува многу широки граници во врска со човечката сексуалност, повеќето од огромните варијации кои се среќаваат кај луѓето резултираат од учењето и условите. Тоа што е девијантно во едно општество може да биде нормално во друго.
Сексуалноста се однесува на половиот идентитет, сексуалната ориентација и практикувањето, како и прифаќањето на овие аспекти на нечиј карактер, кои можат да бидат поважни од нивните подробности.
Сексуалната ориентација од секогаш претставувала индивидуален избор, нормално е таа да се одвива во релација машко-женско и тие да не бидат во роднинска врска, но тоа е само некаде запишано дека е нормално.

Голем дел од младината се дезориентираат и сексуалните нагони и страсти ги задоволуваат со лица од истиот пол. Не само навидум, ова и психички и физички и здраствено претствавува „ненормално“.
Некој ќе рече : „ Па дајте луѓе, живееме во 21 век“ ... 21 век, претставува само цифра, нема некоја гоолема разлика во физичкиот состав на луѓето, него оној суштинскиот се менува.
Пример ќе ги земам децата, оние малите, невини суштества, кои до „вчера“ уживаа во сонцето и снегот, токму тие „денес“ стануваат „дегенерици“ по формула (извинете на изразот). 28 часа, од кои деноноќието содржи 24, ги преседуваат на комјутер и сурфаат на интернет. Не треба да имаме фобија од технологијата и од новите нешта, но треба да знаеме како да ја користиме. А тие се толку мали за да можат да проценат што е добро за нив. Нивната радозналост ги води низ линковите и сајтовите. Незнаат како вистински да го користат овој луксуз на „младината на 21 век“. На web порталите на интернет можат да се сретнат сестрани информации, слики, блогови... до кои тие имаат слободен и брз пристап. Активно ги следаат порно сајтови, каде нештата не им се прикажани реално, туку преку одвратните порно филмови. Online aктивностите од типот на cyber sex, се дел од нивното секојдневие. И дали ова се ви изгледа нормално?!

Мало објаснување околу изборот на темата

Некогаш СЕКСОТ беше табу тема кај нас, и за младите и за постарите, но денес тоа не е така.
Годишните граници за имање полов однос се многу намалени, ако тоа во минатото било поим по осумнаесетата година, денес таа граница е многу подоле а можам да кажам и воопшто не постои. Па токму оваа реалност не наведе да ја одбереме оваа тема, бидејќи и ние сме дел од тие ’младите‘. Со самото тоа што го избравме овој наслов ни се понудија спектар на проблеми и интересни подтеми, кои секако ние не би ги решиле, но се надеваме дека би допреле малку до свеста на нашите врсници.